Охрид заслужува модерен и уреден пазар! Еден од моите приоритетни проекти е целосно уредување на отворениот дел на градскиот пазар, најави денес кандидатот за градоначалник на Охрид Кирил Пецаков поддржан од Коалицијата „Твоја Македонија“ предводена од ВМРО-ДПМНЕ како дел од приоритетните проекти во програмата за претстојните локални избори.
Охриѓани, нашите трговци и сите гости кои го посетуваат градот, добиваат:
- Модерна настрешница за заштита од дожд, сонце и снег.
- Соодветни и функционални тезги за подобро искуство при пазарењето.
- Поуреден и почист амбиент кој прилега на еден туристички центар, истана Пецаков.
Додаде дека продолжуваат со посветена работа за уште подобар Охрид.
OhridNews
