Топлотниот бран кој ја зафати земјава продолжува. Сончево и многу топло време не очекува и во четврток. Максималната дневна температура на повеќе места ќе биде над 40 степени, а во Охрид до 36 степени Целзиусови. Индексот на УВ зрачење исто така ќе биде висок и ќе изнесува 9.
До петок ќе се задржи претежно сончево и многу топло време со натпросечни температури на воздухот. Во сабота во текот на денот ќе има зголемување на облачноста и ќе дува засилен југозападен ветер, но дневната температура се уште ќе се задржи висока. Во вечерните часови и преку ноќта кон недела ќе има врнежи од дожд и грмежи, а најобилни врнежите се очекува да бидат во североисточните делови. Во недела ќе дува засилен северен ветер, а дневната температура значително ќе се намали, на места и за повеќе од 10 степени во однос на сегашната. Од понеделник ќе биде стабилно со постепен пораст на дневната температура, но во рамките на просекот за овој период од годината, информира УХМР Македонија.
OhridNews
