Битолскиот градоначалник Владимир Талевски на седницата на општинскиот совет, предложил општина Битола да стане единствен акционер во фудбалскиот клуб Пелистер, согласно законите за пререгистрација на спортските клубови.

Откако општината ги доби во владение спортските објекти таа сега и на овој начин ќе може да го помогне спортот во градот.

Талевски  рече дека и другите спортски клубови треба да изнајдат начини за опстојување, а дека општината стои на располагање за помош.

Ф.К. Пелистер е спортски колектив со долга традиција во Македонија, од осамостојувањето оваа екипа има освоено само еден трофеј во македонскиот фудбал, во сезоната 2000/2001 Пелистер победи во купот.

“макфакс“
Ohridnews