Три пријателки од Холандија пеш ќе го обиколат Охридското Езеро за да им помогнат на младите во селото Радожда да го одржат локалниот фудбалски клуб „Морнар“.

Славица Бутендијк, Џесика Готенбос-Макинје и Билјана Марчанд на 9-ти ноември ќе тргнат од Радожда, ќе минат низ  Струга и Охрид и ќе се упатат кон Св. Наум. Оттаму продолжуваат за Поградец и Лин во Албанија, од каде ќе се вратат во Радожда. Патувањето пеш планираат да го завршат на 12-ти ноември.

На овој начин тие ќе ги промовираат активностите на асоцијацијата „Помош за Македонија“, која ќе донира средства за помош на фубдалскиот клуб „Морнар“ од Радожда.

Активистите на асоцијацијата предвидено е да остварат средби со градоначалниците на општините низ кои ќе поминат на патувањето околу Охридското Езеро.

OhridNews