Грда слика ја „красеше“ крајезерската населба Пештани деновиве. Отпадот од пролетното чистење пештанци наместо на соодветно место, го одложија на улица.
Екипите на ЈП “Охридски Комуналец” извршија вонредно чистење и подигнување на кабаст отпад кој несовесни граѓани го исфрлиле на несоодветни локации во селото Пештани.
Беа подигнати големи количини на кабаст отпад, делови од мебел и покуќнина, килими, пластични и картонски амбалажи и други видови на отпадни материјали, информира јавното претпријатие.
Ова не е прв случај на несоодветно депонирање на отпад од страна на граѓаните. Екипите на ова јавно претпријатие секојдневно подигнуваат кабаст отпад од други јавни локации во градот и приградските населби.
Од ЈП „Охридски Комуналец“ ги информираат граѓаните дека доколку имаат кабаст отпад кој треба да го депонираат, истиот треба да го пријават, за комуналните екипи да можат навремено и соодветно да го подигнат.
Општина Охрид јавно ги осудида до сторителите на вакви еколошки престапи и најавува засилени инспекциските контроли на терен, со цел да се спречат и санкционираат сторителите. Градот апелира ѓителите да покажат повисоко ниво на еколошка свест и да не го одлагаат отпадот на несоодветни локации.
OhridNews
