Владата одлучи да ги намали цените за регистрација на фирма од страна на младите претприемачи, односно студенти на редовни и вонредни студии кои сакаат да отворат фирма во Централниот регистар преку електронски пат, пренесува „Макфакс“.
Според одлуката, место досегашните 1.190 денари ќе треба да платат надомест од само 250 денари, односно петпати помала цена.
„Владата ја намали и цената за основање на фирма од студенти и по пат на хартиен поднесок и наместо досегашните 2.424 денари надоместокот сега ќе изнесува 1.199 денари или за половина помалку“, рече Александар Ѓорѓиев, портпарол на Владата.
Според Владата, овие намалени цени за пет, и за двапати, се голема придобивка за младите, и уште едно исполнето ветување на Владата што е јасен доказ дека младите лица и студентите се во фокусот на владините политики, и оваа можност ќе придонесе за поддршка на отворање на бизниси и за развој на бизнис плановите на младите луѓе, со што се придонесува кон нивното вработување и остварување на приходи.
извор:„Макфакс“
