Градоначалникот на општина Охрид, Александар Петрески, по повод големиот христијански празник Успение на Пресвета Богородица, на своите сограѓани и гостите кои престојуваат во Охрид од христијанска веросповед, им испра ќа срдечни честитки со желби за негово достоинствено одбележување.– Честит да е и вековит празникот на Мајката Божја, ден кој меѓу граѓаните од овој крај како празник Голема Богородица има долга традиција и се одбележува од дамнина, Со тоа, на свој начин се потврдувала и се искажува светоста на овој крај и духот кој ги крепи моите сограгани. Со молитви во бројните верски храмови, со народни веселби и собири, се потврдува длабоката приврзаност кон традициите и почитувањето на верата и Црквата како заштитник на народот. Празнувањата, обичаите и бројните собири во скоро секое населено место на општината нека минат во знакот на изразување на моралните норми, радоста од животот и нека ве исполнат со мир, љубов и верба во силата на меѓусебното дружење и почитување- се вели во празничната честитка на градоначалникот Петрески.
ohridnews
