Општина Охрид за новогодишното украсување пред две години должи околу 20 отсто, додека 80 отсто од вредноста и е исплатенa на фирмата која го изврши украсувањето, изјави за Ohridnews, градоначалникот на Охрид Александар Петрески.
Фирмата „Линк медиа плус“ вчера обвини дека СДСМ врши медиумски притисок кон неа поради долгот што општина Охрид, чиј градоначалник е од редовите на оваа партија, го има кон неа.
Градоначалникот на Охрид, посочи дека не е тајна оти општината има долгови, вклучително и за украсувањето на градот од пред две години, но и дека сето тоа се должи на блокираната жиро сметка на градот.
– Општина Охрид има сериозни проблеми во однос на финансиите и затоа барам поголема децентрализација и Владата да дозволи да земеме кредит како што земаат сите и да не се опструира работата на општината како што се случуваше во минатото, а дека имаме долгови имаме, рече Петрески.
Ohridnews
