Градоначалникот на Општина Охрид, Александар Петрески денеска го потпиша решението за именување на нов директор на меѓуопштинското јавно претпријатие “Проаква“.
За нов директор е назначен Златко Старкоски. Тој на раководната функција во Проаква ќе го замени Игор Блажески кој во изминатите месеци ја извршуваше функцијата директор.
За верификацијата на мандатот на новиот директор потребено е согласност од струшкиот градоначалник Рамиз Мерко, кој се уште го нема потпишано решението за именување на Старкоски . Градоначлникот Мерко не беше достапен за коментар, бидејќи како што велат службите се наоаѓа на службено патување.
Градоначалниците на Охрид и Струга веќе извесен период се обидуваат да ги усогласат ставовите околу изборот на нов директор на “Проаква“. За сега единствено градоначалникот на Охрид официјално се изјасни и го потпиша решението за нов директор.
Останува да се види дали Старкоски е решение кое ќе го прифати и градоначалникот на Струга.
Orhridnews
