-Општинскиот комитет на ВМРО- ДПМНЕ , продолжува со неоснованите напади врз градоначалникот на Охрид Александар Петрески , со намера да го пренасочи вниманието на јавноста и да собере некој политички поен. Пробуваат да ги манипулираат граѓаните занимавајќи се со другите , а никако да соберат храброст и да објаснат, кој е виновен за катастрофалната состојба во Република Македонија. Ова меѓу другото стои во реакцијата на Кабинетот на градоначалникот Александар Петрески на обвинувањата што на негова адреса денеска на прес конференција ги упати ОК ВМРО ДПМНЕ – Охрид.
Во реакцијата се наведува дека токму ВМРО ДПМНЕ преку премиерот своите пратеници и советници е виновна за стагнацијата на Охрид.
-Градоначалникот Александар Петрески, во услови на целосна блокада од централната власт на чело со ВМРО- ДПМНЕ, во изминативе речиси осум години го препороди Охрид. Целосно го смени ликот на централното градско подрачје и заедно со локалната самоуправа направи капитални инфраструктурни објекти. Направи многу повеќе отколку градоначалниците од ВМРО- ДПМНЕ, кои добиваат многу бенефиции и државни пари.-реагира Кабинетот на Петрески.
Во неа уште се наведува дека режимот на ВМРО ДПМНЕ е виновна за доцнењето на изградбата на катната гаража, автобуската станица и другите капитални објекти во Охрид бидејќи се кочелодонесувањето на деталните урбанистички планови и давањето на државното градежно земјиште на стопанисување на општината, што било основен услов за реализирање на капиталните инвестиции.
-Не обудувајте се да скриете дека Груески и ВМРО- ДПМНЕ изградија жичарница до Водно , а не до Галичица , парите за автопатот до Охрид ги пренаменија за Штип и направија многу нешта за да го опустошат најголемиот културен и туристички центар во Македонија.-се вели во реакцијата, во која уште стои дека граѓаните ги препознаваат добрите намери и постигнатото и дека по трет пат ќе му ја дадат поддршката на градоначалникот Петрески на претстојните локални избори.
