Започна рушењето на бесправно изградените објекти во село Трпејца. Како што информира градоначалникот Петрески, сопственикот на објектот „Ив-Ире“ започнал да го руши бесправно изградениот дел од објектот, по добивањето на решението за рушење, кое минатата недела му било издадено по негативниот одговор на неговото барање за легализација на објектот.
– Во решението за уривање стои дека доколку сопственикот во рок од 15 дена не го урне бесправно изградениот објект, локалната самоуправа ќе го стори тоа. Имам информација дека сопственикот сам почнал да го руши спорниот објект, но јас и лично ќе отидам таму да се уверам во тоа, рече Петрески.
Неодамна, од страна на Трпејчани беше кажано дека доколку надлежните институции не преземат конрентни мерки за рушење на нелегално изградениот објект, ќе го блокираат региналниот патен правен Охрид – Свети Наум.
OhridNews
