Живееме во држава во која се случуваат големи парадокси, тие што се за во затвор, тие што ги продаваа под маса акциите во ЕМО, тие што со кеш пари ги купуваа акциите станаа судии и пратеници. Чесните работници, меѓу кои и мојот брат, кои беа избркани затоа што беа чесни и не влегоја во криминални дејствија и мислеа поинаку, сега треба да одат по судови, вака ја искоментира градоначалникот Александар Петрески информацијата околу поднесувањето на кривични пријави против 11 лица од АД ЕМО- Охрид.
– Денес секој може да седне и пише неосновани кривични пријави. Денес има многу такви кои ги пишуваат, но би им порачал дека и ним им се ближи крајот и дека и ним ќе им бидат пишани кривични пријави за вознемирување и за нанесена болка, затоа што сите имаат фамилии, рече Петрески.
OhridNews
