Македонија не успеа да стартува со победа на евробаскетот во Охрид, откако со 76-60 беше поразена од Израел. Уште на првиот натпревар на младинките на површина излегоа сите недостатоци за успех на едно вакво за нас големо натпреварување. 

Избраничките на Александар Петровиќ беа наттрчани, надшутирани, а само статистиката ги спаси да не бидат и над скокани од далеку подобриот противник во името на селекцијата на Израел.

-  Очекував еден ваков тврд натпревар, се исполна она од што најмногу се плашев а тоа е нашата физичка (не)подготвеност. Израел е физичка по подготвена екипа од нас, ние имавме свои шанси, но промашувме доста зицери како резултат на нашата неподготвеност. Повредата на Тантуроска во целост ја поремети нашата игра. Ане одлично влезе во мечот погодуваше и додаваше, а нејзиното излегување едноставно не исфрли од ритам - рече по завршувањето на мечот селекторот Александар Петровиќ.


Македонија нема време за чекање, а вечерва ќе го одигра можеби клучниот натпревар за влез во 1/4 финалето против Холандија.

- Физички сите екипи се поподготвени од нас, на ваквко натпреварување не се оди со 3 недели подготовки, единствена предност за нас во мечот со Холандија ќе биде тоа што тие не се пргави и агресивни како Изреал, видовте Израел не изеде- заврши Петровиќ. Натпреварот Македонија - Холандија се игра вечерва во 21 часот.
М.П.