Пијан маж се јавил во полиција и се заканил дека за кусо зградата на Владата во Скопје, ќе биде нападната со ракети, јавува „Макфакс“.
Како што соопшти полицијата, во 17.40 часот на телефонскиот број 192 од мобилен телефон се јавил маж во видно алкохолизирана состојба и без да се претстави рекол дека „за 16 минути две ракети ќе бидат испалени кон зградата на Владата на Република Македонија за да ја уништат“.
МВР веднаш постапило и ги презело сите оперативно тактички мерки.
Пронајден е мажот кој се јавил на 192 и однесен во полициска станица, каде објаснил дека неговото јавување било мотивирано затоа што, како што рекол, „сакал да привлече внимание затоа што не бил задоволен од функционирањето на системот во државата“.
Имено, во петокот, тој бил приведен во полициска станица за друго дело, за кое, според негово тврдење не бил виновен.
Се преземаат соодветни дејствија за расчистување на случајот, а известен е и јавен обвинител.
Извор: Макфакс
OhridNews
