Филмот “Чистилиште на душата” дава одговор на многу прашања кои јас, а и голем број граѓани со години си ги поставуваат околу фаќањето на светиот крст, вели Илија Пиперкоски, режисерот на документарниот филм чија промоција е закажана за утревечер во Центарот за култура.
– На гледачите по завршувањето на филмот многу нешта ќе им бидат појасни. Сметам дека токму откривањето на одговорите може да предизвика различни реакции кај одредени луѓе, вели Пиперкоски.
Филмот е сниман на две локации – во Охрид и Израел, каде минатогодишниот фаќач на светиот крст замина со своите другари на наградно патување, финансирано од страна на минатогодишните кумови на манифестацијата.
Филмот, како што објаснува Пиперкоски, отскокнува од вообичаените рамки и претставува вистинска авантура во која гледачот патува задно со херојот на денот, оној што го фатил крстот.
По новогодишните празници Пиперкоски планира филмот да биде испратен на неколку филмски фестивали.
OhridNews
