Новиот плоштад кој интензивно се гради кај некогашната библиотека, ќе наликува на плоштадите во светските метрополи, најавуваат од локалната самоуправа.
– Извршено е тампонирање со цел да се постават високо квалитетни гранитни плочки во комбинација со камен. Во тек е и поставување на електрична инсталација за подното светло и канделабри, а ѕидините ќе бидат осветлени со илуминати кои ќе го надополнуваат пријатниот амбиент во вечерните часови. Ќе бидат поставени и клупи за одмор, изјави раководителот на Секторот за подршка на градоначалникот и координатор на Секторот за урбанизам Зоран Рафтоски.
Уредувањето на новиот плоштад е во рамки на програмата на секторот за урбанизам, од каде во идниот период најавуваат низа проекти збогатување на содржините во градот.
OhridNews
