Концесионерот „Пастрмка 2012“ деновиве ги доби одобренијата за вршење рекреативен риболов од Министерството за земјоделство, шумарство и водостопанство, со што и официјално ќе започне спортскиот риболов со блинкер на Охридското Езеро по пауза од осум години.
Првиот блинкер ќе се одржи викендов на 8-ми и и 9-ти септември. Риболовот ќе се врши со 1 жила и 7 блинкери по чамец, во периодот од 06 до 12 часот, двата дена.
Дозволата за првиот блинкер на 8-ми септември изнесува 1000 денари, бидејќи всушност таа претставува годишна дозвола за 2012 година, која ќе важи за месеците септември и октомври. Дозволата за вториот блинкер, недела 9-ти септември, изнесува 800 денари. Дозволите за наредните блинкери во месец октомври ќе чинат по 800 денари
Дозволите за блинкерот во Охрид ќе се издаваат во поранешните простории на Г.П. „Гранит“ на Кеј „Маршал Тито“, секој работен ден од 08 до 18 часот.
Дозволите за блинкер во Струшкиот регион ќе се издаваат во рибарницата „Летница – белвица“ кај градскиот пазар во Струга, во непосредна близина на црквата Св. Ѓорѓија.
OhridNews
