По Лотото, на малите екрани се врати и бингото. Почнувајќи од синоќа секоја сабота на националната телевизија Канал 5, ќе се врши извлекувањето на бројките на некогаш мошне популарната игра на среќа.

Целта на Државната лотарија на Македонија, која е организатор на оваа игра на среќа е половината час – Гала Бинго, да го обои со среќа, отменост, забава и добивки. Слоганот на играта гласи Вашата бесценета приказна и претставува назнака дека буквално секој граѓанин на Република Македонија ќе може да биде дел од една приказна во која се раскажува за среќата проследена со блескави, вредни добивки.

Во улога на водители се актерот Сашко Коцев и Маријана, која е веќе препознатливо лице на Државна лотарија на Македонија, преку понеделничките и четврточните извлекувања НовоЛото 7/34. 

Првото “Гала Бинго“ годинава падна во Скопје, а беше во вредност од околу 110 илјади денари.

Ohridnews