Музичкиот хепенинг „Биди и ти дел од ѕвезденото небо на Тоше“ вечерва по седми пат се одржува во Скопје.
Настанот традиционално се организира во чест на последниот концерт на Тоше кој беше одржан на Градскиот стадион во Скопје на 5 октоври 2007 година.
Од фан клубот на Тоше велат дека целта на настанот е „сите заедно да се присетиме на неговата музика и лик, но и да создадеме „ѕвездено небо“ во негова чест, водени од максимата на Тоше „За моја среќа, јас и моите обожаватели дишеме како едно”.
Тоше Проески загина во сообраќајна несреќа во Нова Градишка, Хрватска, на 16 октомври 2007 година, на 26-годишна возраст.
Најпознатиот македонски пејач беше и една од најголемите ѕвезди на балканската музичка сцена.
OhridNews
извор:„Макфакс“
