Цврстата одбрана повторно беше клучот на успехот на нашата репрезентација против Грузија, а со повеќе ротации во првото полувреме, селекторот успеа да го надвладее притисокот и да го одведе тимот до историско четврфинале.


– „Да бидам искрен, очекував ваков тежок натпревар. Прв пат во историјата Македонија доаѓа до можност да биде меѓу првите осум на ЕП и тоа креира своевиден притисок, сепак мислам дека повторно одигравме фантастична одбрана и ја заслуживме победата. Во нападот на моменти бевме малку брзоплети, но одигравме максимално кога беше најпотребно“, вели Докузовски.


„Играме со големо срце, не само денеска, за време на целиот престој во Литванија и поради тоа сметам дека го заслужуваме овој успех. Некогаш ви треба и малку среќа, но среќата ги следи храбрите. Многу ни е важна оваа победа затоа што знаеме дека целиот македонски народ денеска беше со нас и ја посакуваше. Ова е голема победа со која го честитаме големиот празник на Македонија“, заврши селекторот.

-Одигравме навистина тежок натпревар и остваривме уште една специјална победа. Специјална затоа што не носи до историското четвртфинале и затоа што се случува денеска, кога Македонија го слави Денот на независноста. Повторно сите одигравме одлично тимски и можеме да продолжиме така. За нас, веќе никој не е непобедлив. Ќе се одмориме кратко по оваа тешка победа, но ќе се вратиме повторно да се бориме со срце на теренот. Тоа срце и таа позитивна хемија во тимот, не носи до овие големи резултати“, вели капитенот Антиќ.

Ohridnews