Синоќа на 75-годишна возраст почина познатиот македонски актер Гоце Тодоровски. Тажната веста ја соопшти неговата ќерка Сашенка, преку социјалните медиуми.
По завршувањето на Факултетот за драмски уметности при Универзитет „Св. Кирил и Методиј“, во класата на професорот Илија Џувалековски се вработил во Драмскиот театар во Скопје и веднаш се истакнал како мошне надарен и суптилен комичар.
Имал одлична соработка со голем број на познати наши режисери Слободан Унковски, Коле Ангеловски, Димитар Станковски, Владимир Милчин и Димитрие Османли. Покрај ангажманите во матичниот театар, тој често беше присутен на програмите на радиото и телевизијата учествувајќи во скоро сите хумористично – сатирични емисии, драми, серии и друго. Чест гостин беше и во другите театарски куќи во Македонија. Препознатлив бше и по телевизиски екранизација, а долги години сихронизираше и турски серии за Сител Телевизија. Сепак, актерот ќе остане најмногу запаметен по улогите во Македонските народни приказни.
Тодоровски е добитник на бројни награди, а минатата година ја доби државната награда „23 Октомври“ во областа на културата и уметноста.
Тодоровски е роден во 1951 година во Кичево.
OhridNews
