Почна чистењето на дивите депонии

Јавното комунално претпријатие деновиве започна со реализацијата на проектот “Чистење на диви депонии на територијата на општина Охрид”. Овој проект  Ј.П.”Охридски Комуналец” го доби на  Конкурсот за распределување на средства за финансирање и реализирање на програми, проекти и други активности од областа на животната средина за 2010 година распишан од Министерството за животна средина и просторно планирање. Проектот опфаќа чистење  на дивите депонии на потегот од мостот кај каналот Студенчишта до ресторанот “Парк”, дивите депонии околу с.Орман и дивите депонии во с.Елшани. За таа цел на терен е ангажирана и целокупната расположива механизација на јавното претпријатие, кое партиципира со сопствени средства во проектот што го финансира Министерството за животна средина и просторно планирање.

OhridNews