Во Основниот суд 1 во Скопје ќе почне повторената судска постапка за случајот „Изгрев“ за кој одговараат струшките браќа Миладинови. На струшките бизнисмени Димитар и Ѓорѓи Миладинови 20 месеци им се судеше за перење пари и измама со кредит околу хотелот „Изгрев“, по што добија прво затворски казни од по шест и пол години.

 

Но пресврт во случајот се случи кога на седница на Апелациониот суд вишиот јавен обвинител побара укинување на пресудата и ослободување на браќата поради немање докази, погрешно водена судска постапка и недокажано дело. Апелациониот суд уште истата вечер ги ослободи браќата од притвор.

Со првата пресуда три стечајни судијки, стечајна управничка која го водела предметот за хотелот и бизнисмен, беа ослободени од обвинението. Кај нив судот не утврди одговорност.

Службеничка од Катастарот беше осудена условно. Двајца адвокати добија по шест месеци затвор, а нотар три. Фирмата на Миладинови чиј содружник е Македонската православна црква, земала кредит од шест милиони евра за реновирање на хотелот, но парите биле употребени за други намени и не биле вратени на банките.

Во текот на постапката Миладинови докажаа дека кредитот бил вратен.

“извор Макфакс“
Ohridnews