Црвен крст Охрид и Операција Флориан- Манчестер, и годинава организира заедничка обука за укажување по прва помош, според највисоките европски стандарди. Обуката е наменета за повеќе субјекти во Охрид и пошироко, меѓу кои за припадниците на Граничната полиција во Охрид, Струга и Дебар, за припадниците на Територијалната противпожарна бригада од Охрид и Струга, за вработените во Капетанијата на пристаништата и екипажите на бродовите, за вработените во Локалната самоуправа Охрид, ученици од средното медицинско училиште.
Обуките започнуваат утре, 18 јуни, а ќе траат до 25 јуни. Во рамки на обуката, предвидени се и неколку показни вежби на симулација на укажување на прва помош.
Соработката во рамки на активностите во делот на Подготвеност и дејствување при катастрофи, Црвен крст Охрид со Операција Флоријан, од Манчестер Англија, ја започна во 2009 година. Како резултат на заедничките активности, во изминатиот период реализирани се заеднички обуки во делот на првата помоШ, безбедност на вода, противпожарна заштита.
OhridNews
