Под мотото „Инспирирајте се за иднината“ денес во Центарот за култура ќе се одбележат 30 години партнерство со УСАИД

Под мотото „Инспирирајте се за иднината“ денес во Центарот за култура „Григор Прличев“ ќе се одбележат 30 години партнерство на државава со УСАИД.

Во рамки на програмата предвидено е обраќање на Џери Дајбл, претставничка на канцеларијата на УСАИД, мотивациски говор – „Партнерството е сила“ со Марта Пејоска, модна ревија – „Рециклирана убавина“ со Ирина Тошева, концерт на џез бендот на Музичката Академија при Универзитетот „Гоце Делчев”, откривање на мурал од Енкел Дика и изложба на фотографии „Живот поминат заедно”.

Ќе се инспирирате, ќе се забавувате и можеби ќе заминете со идеја за вашето следно патување до успехот, порачуваат организаторите.

Настанот е со почеток во 17.30 часот, а влезот е бесплатен.

OhridNews