Реконструктивни зафати за подобрување на условите за згрижување на деца во објектот „Росица“ на детската градинка „Јасна Ристеска“ се реализирани изминатиот период, информираат од Општина Охрид.

Посочуваат дека извршена е ‎реконструкција на подовите во занималните и холот, целосно молерисување во сите занимални, ходници и хол, а поставени се и нови плакари за детските креветчиња во сите занимални. Во тек е реконструкција на санитарните јазли.

‎Создавањето подобри и побезбедни услови за нашите деца е еден од моите највисоки приоритети. ‎И понатаму ќе продолжиме со вакви инвестиции, со цел да обезбедиме подобри услови за згрижување на најмладите, вели градоначалникот Кирил Пецаков кој денес беше во увид на реконструктивните зафати.

OhridNews