Како што истакна пратеникот Николоски, ова е само дел од напорите за заштита на водниот фонд во езерото и препознатливите белези кои се загрозени поради неконтролираната урбанизација на крајбрежјето.
– Јас како пратеник и СРК Св. Апостол Петар и Билатералниот секретаријат, во соработка со надлежните министерства и институции, во разумен рок од неколку месеци ќе изработиме предлог законски решенија кои потоа ќе ги предложам во собранието со што се надевам дека ќе направиме еден значаен чекор во заштитата и запирање на уништувањето, рече Николоски.
Според Дејан Паноски од Билатералниот секретаријат за Охридското езеро, иницираните закони ќе придонесат кон заштитата на езерото и неговите вредности, но и кон промоција градот.
– Она што долги години го правиме во рамки на заштитата на Охридското езеро и неговите вредности сакаме да го институционализираме, затоа што тоа е една зкаонска рамка која ќе овозможи и да го заштитиме и да го одбраниме од напади, воедно и туристички да го валоризираме во однос на туристичката промоција на градот и регионот, рече Паноски.
Од СРК „Св. Апостол Петар“ потенцираат дека денешната средба е дел од низата активности кои ќе продолжат да ги преземаат како спортско- рекреативни риболовци со цел заштита на охридската пастрмка и останатиот рибен фонд во езерото.
– Ова е прва средба по носењето на заклучоците на неодамна одржаната трибина за „Заштита и управување со Охридското езеро“, која се надеваме дека ќе вроди со плод.Од пратеникот добивме ветување дека ќе се инициираат законите и очекуваме дека сплотени ќе направиме повеќе за заштитата на биодиверзитетот, изјави претседателот на „Св. Апостол Петар“, Радован Димитриески.
На денешната средба стана збор и за заштитата на појасите на трска во и околу басенот на Охридското езеро со цел предвидување на казнени одредби за деградациија на истите.
