Секторот за внатрешна контрола и професионални стандарди поднесе кривична пријава против 32- годишно лице од Струга , полицаец во Полициската станица на граничниот премин „Ќафасан“ , за сторено кривично дело „злоупотреба на службената положба и овластување“.
Во април минатата година, пријавениот во својство на службено лице на преминот „Ќафасан“ бил распореден на работно место-пасошка контрола на излез од Македонија, кој по барање на царински службеник во компјутерската евиденција завел фиктивен излез на патничко возило „џип“ и моторцикл „хонда“, сопственост на лице од Скопје со што овозможил избегнување на царински давачки на штета на државниот буџет.
OhridNews
