Полицијата приведе 15 навивачи на синоќешниот кошаркарски натпревар МЗТ Скопје – Работнички поради нарушување на јавниот ред и мир, соопшти МВР.
Двата навивачки табори Фемили и Сити парк бојс за време на натпреварот се обиделе да појдат кај спротивниот табор и да се пресметаат. Едно лице било и физички нападнато, а се фрлале и разни предмети и пиротехнички средства.Полицијата ги спречила сите обиди за судир на двете навивачки групи. Освен на натпреварот инциденти имало и пред почетокот на натпреварот.
Кај некои од навивачите при влезот на натпреварот бил пронајден нож, како и метален боксирач. По натпреварот не се регистрирани инциденти.
Ohridnews
