Традицонално на “Водици“ Црвениот крст ја организираше акцијата “Имаш пет минути дарувај крв“. Охриѓани ја покажаа хуманоста на дело, со што уште еднаш акцијата се покажа како полн погодок.
– Презадоволни сме од одзивот. Голем број охриѓани ги искористија своите пет минути да спасат некому живот. До завршувањето на акцијата очекувам бројката да стигне над 100 дарувачи – изјави за ohridnews, Сашо Точко, од Црвениот крст.
Екипите на Црвениот крст ангажирани околу манифестацијата имаа полни раце работа. Четирите спасители на вода и медицинските сестри мораа да интервенираат на неколку пати.
– Имавме три интервенции на извлекување на давеници во водите на Охридското езеро и десетина скокачи кои беа премрзнати на кои им се укажа прва помош –не информираше Точко.
Неколкуте инциденти поминаа без последици, а сите повредени беа згрижени.
М.П.
