Викендов во Охрид се одржа Државното првенство во класата „Оптимист“ за едриличари до 12 години.
Во идеални временски услови, на регатното поле Градско пристаниште-Канал Студенчишта-Горица се извозеа пет регатни трки. Се натпреваруваа 15 момчиња и девојчиња од Едриличарските клубови „Снегар“ од Струга, „Стрмец“и „Бофор“ од Охрид.
Титулата државен првак во класата „Оптимист“ до 12 години по третпат ја освои Дамјан Поп-Стефанија од ЕК „Стрмец“ од Охрид, второто место го освои Новица Велјаноски од истиот клуб, на трето место се пласира Илче Грунче од ЕК „Бофор“. Кај девојчињата, победи Ирма Гогова пред Поликсена Тунтева и двете од ЕК „Бофор”.
Ohridnews
