„Нашата кампања помина во фер агитирање и презентација на нашата програма. Ние во нашето претставување не ветувавме невозможни работи. Но на сите вас ви ветуваме, ако ни ја дадете довербата, ќе видите еден поинаков општински совет, еден поинаков начин на работа, Совет кој ќе биде преносител и извршител на барањето на граѓаните во општина Охрид. Совет кој ќе го контролира работењето на градоначалникот. Ние ќе го промениме ликот на општинската администрација со начинот на работа.“ – истакна носителот на независната советничка листа, Павел Попоски, на денешната завршна прес-конференција пред претстојните локални избори.
Тој упати апел до сите учесници на изборите, особено до политичките партии, да престанат со меѓусебни обвинувања, навреди и омаловажувања.
„И ние бевме жртви на тие нечесни нивни игри. Нас ни се уништуваа сите рекламни постери, а ноќеска тотално го уништија подвижниот билборд. Бидејќи е последен ден од изборната кампања нема никого да обвинуваме за овој гнасен чин на заплашување и притисок, затоа што не сакаме никому да му наштетиме. Ги замолувам политичките партии овие избори да поминат во фер, коректни и демократски услови. Охрид пред светот да го прикажеме во најсветла точка.“ – истакна Поопски.
OhridNews
