Eдинствениот македонски фудбалер кој настапува во холандскиот шампионат, Левиот бек, Горан Попов добар настап на Амстердам Арена каде неодамна со својот тим Херенвејн го совлада Ајакс:
– Кога со екипата на Херенвејн последен пат настапивме на Амстердам Арена, јас бев целосно убеден дека можеме да го победиме Ајакс иако досега Херенвејн беше без триумф на тој стадион . Нормално целта ја постигнавме што беше големо изненадување, но не и за мене бидејќи верував во квалитетите на мојот тим. Лично се надевам дека и со нашата репрезентација може за првпат да победиме на Амстердам Арена. Најважно е сепак да не загубиме. Холандија е тим од светска класа , со светски ѕвезди што нас треба да не мотивира, никако да не плаши. Добро е што поголем дел од играчите веќе настапија тука и ја имаат почувствувано величенствената атмосфера. Во отсуство на Руд ван Нистелрој мислам дека нападот не е на исто ниво но сепак мораме да бидеме внимателни да ја играме нашата игра како и на претходните три квалификациски средби и со малку среќа да дојдеме до поволен резултат.
