Динамо Киев, екипа за која настапува македонскиот репрезентативец Горан Попов и БАТЕ Борисов, тим кој го елиминира Вардар во второто квалификационо коло во Лигата на шампиони изборија пласман во последната рунда од квалификациите за пласман во фазата по групи во елитното натпреварување.

Динамо, во чии редови Попов го одигра целиот натпревар, како гостин во Ротердам го победи Феенорд со 1:0 со голот на Браун во 96-та минута од натпреварот. Динамо со вкупни 3:1 мина во четвртото квалификационо коло.

БАТЕ Борисов кој во Унгарија кај Дебрецин отпатува со резултат 1:1, забележа победа од 0:2. Белорусите работат си ја завршија по еден час игра кога со головите на Мозолевски во 25-та и Володко во 59-та минута ги постигнаа двата гола.

Во среда ќе се одиграат останатите реванш натпревари од третото коло, реваншите треба да се само формалност за Марибор, Андерлехт, Хапоел, Хелсингборг и Панатинаикос:

Дуделанж-Марибор (прв натпревар 1:4)

Нефчи-Хапоел Шмона (0:4)

Хелсингборг-Сласк (3:0)

Екранас-Андерлехт (0:5)

Хелсинки-Селтик (1:2)

Либерец-Клуж (0:1)

Базел-Молде (1:0)

Васлуи-Фенербахче (1:1)

Бриж-Копенхаген (0:0)

Динамо Загреб-Шериф (1:0)

Панатинаикос-Мадервел (2:0)

Партизан-АЕЛ (0:1).