Како што информира државниот инспектор Игор Трајкоски, по извршениот увид во месец јули на локацијата која со одлука на општина Дебрца е определена за одлагање на отпадот, на јавното комунално претпријатие му бил даден рок да се стопира палењето на отпадот и му било наложено во иднина соодветно да се третира.
– И покрај укажувањата проблемот не се реши, поради што казна глоба му е изречена и на јавното комунално претпријатие и на одговорното лице, вели Трајкоски.Тој потенцира дека со оглед на тоа дека сеуште не е решен проблемот со јавните депонии во земјава, советот на општина Дебрца донел одлука отпадот да се одлага во близина на Велмеј, но не и спротивно на законот, да се запалува со што се предизвикува штетни последици за околината и жителите во околните места.
Првиот човек на комуналното претпријатие, пак објаснува дека отпадот, на определената времена депонија, се одлага и третира согласно сите законски прописи. Потенцира дека отпадот го палат препродавачи на старо железо, за што времено бил информиран и државниот инспекторат за животна средина.
За проблемот во неколку наврати реагираа жителите на село Велмеј кои бараа проблемот што поскоро да се реши од страна на надлежните.