Поранешни ракометарки од Струга повторно се вратија на терен и формираа ветерански тим на ЖРК „Стружанка”. Дел од нив се и поранешни репрезентативки на Југославија и Македонија во ракомет.
Се собрале спонтано со обични тренинзи повеќе за дружење, отколку за некоја посериозна идеја за тренирање и ракомет.
Кога дознавме дека ветерански екипи настапуваат во поранешните југословенски простори, ни дојде идеја да се собереме, секој што има желба, секој што сака повторно да се врати на ракометот и да учествуваме на ракометни турнири низ поранешните југословенски простори, вели Снежана Крстаноска Попин.
Ракометарките имаат настапувано на турнири во Турција, Кипар, Босна и Херцеговина, од каде се вратиле со бројни награди и трофеи, а следен предизвик им е Европското првенство за ветеранки во Португалија кое ќе се одржи од 18 до 21 јуни 2026 година.
Почнавме да играме ракомет и на плажа, што е многу интересно и ново за нас, и видовме дека и во тоа сме успешни. Сега добивме покана да играме на Светското првенство за ветеранки во Хрватска и на Европското првенство за ветеранки во Португалија. Не поканија и повторно во Кипар да играме ракомет на плажа, а имаме покана да одиме и во Холандија. Ова е веќе на некое светско ниво, вели Венера Јоноска.
Ракометните ветерански се жени кои се професионално реализирани во различни сфери и сакаат да бидат инспирација за нивните наследнички. Да се тренира ракомет велат е важно за дисциплината, почитта, дружењето.
Највозрасната рекометарка во нивната екипа има 56 години, а до неодамна најстарата имала 62 години.
OhridNews
