Eкипата на Ренова со головите на Арџент Гафури, Менде Степаноски и Сашко Пандев во првиот дел го совладаа кичевски Напредок 3-0.
За избраниците на охридскиот стратег Драган Бочески ова е втор пораз во низа откако претходно загубија од второлигашот Корзо додека “гипсарите“ ја забележаа првата победа во Охрид.
– Одигравме добар меч, на кој подобра екипа победи. Во преостанатиот дел до почетокот на шампионатот ќе ги поправиме грешки и спремни ќе ги дочекаме нашите предизвици – истакна Бочески.
Тренерот на Ренова, Ќатип Османи потенцираше дека е многу задоволен од играта, а пред се во одбраната која ги издржа налетите на расположените кичевчани за игра.
– Против Напредок одигравме прав прволигашки натпревар. Во мечот се снајдовме подобро, бевме помотивирани и сето тоа ги искористивме да забележиме победа – рече Османи.
Ренова до в четврток останува во Охрид, а од в петок тренинзите “гипсарите“ ќе ги одработуваат во Тетово.
Мх.П.
