Пораките кои претседателот на Европската комисија, Жозе Мануел Баросо, им ги упати на земјите од регионот за време на неговата официјална посета, се исклучително позитивни и покажуваат пред се дека дури и во услови на голема криза во Северна Африка, каде Европската унија е широко инволвирана и фокусирана во овој момент, највисоките нејзини функционери не забораваат на Балканот и сакаат да го видат што е можно побрзо во европското семејство, оцени премиерот Груевски.– Многумина велеа дека тие сега имаат други проблеми и дека ќе бидат фокусирани на нив, а проширувањето на ЕУ со Македонија и другите балкански држави ќе биде ставено на страна и заборавено, но оваа посета на Баросо е директен демант на таквите укажувања и покажува дека ЕУ има директен интерес Македонија што е можно побрзо да влезе во Унијата. Се разбира, откако претходно ќе ги исполниме сите стандарди и оној дополнителен предуслов што го немаат другите држави, но за жал го имаме ние, а тоа е блокадата од страна на Грција. Ние ќе работиме на тоа поле да најдеме некое решение, изјави во Охрид премиерот Груевски.
OhridNews
