Бензините од утре поскапуваат за три денари, а дизел горивата за два, односно 2,5 денари по литар, одлучи Регулаторната комисија за енергатика.
Новата малопродажна цена на ЕУРОСУПЕР БС-95 изнесува 80, а на ЕУРОСУПЕР БС-98 81,5 денари за литар. Малопродажната цена на ЕУРОДИЗЕЛ (Д-Е-В) се зголемува за 2 денари за литар и ќе чини 68 денари, додека Екстра лесното масло за домаќинство (ЕЛ-1) поскапува за 2,50 денари за литар и ќе се продава за 57 денари за литар.
Спред одлуката на регулаторната комисија, за 1,848 денари за килограм се зголемува и малопродажната цена на мазутот М-1 НС кој сега ќе се продава за 41,247 денари.
Како причина за зголемувањето на цената на нафтените деривати од РКЕ ги посочуваат за 4,83 отсто повисоката просечна цена на сурова нафта на светскиот пазар во изминатите две недели и за 0,66 отсто повисокиот курс на доларот во однос на денарот.
Ohridnews
