Утре истекува последниот рок за аплицирање на Јавниот повик кој го објави Министерството за труд и социјална политика за користење на бесплатни курсеви наменети за деца без родители и родителска грижа и за лица кои до осумнаесет годишна возраст имале статус на деца без родители и родителска грижа.
-Со овој проект преку курсевите по анлиски јазик ќе бидат опфатени 400 деца без родители и родителска грижа и лица кои до 18 годишна возраст имале статус на деца без родители и родителска грижа, а иста бројка на деца од оваа катаегорија ќе бидат опфатени со курсевите по основи на работа со компјутери. Целта на овој проект е овие лица да станат поконкурентни на пазарот на труд и побрзо да најдат работа, пишува во јавниот повик.
За користење на бесплатните курсеви потребно е да се поднесе барање до надлежниот Центар за социјална работа, според местото на живеење.
OhridNews
