Денеска е последен ден предвиден со распишаниот оглас за прибирање понуди за закуп на простор за поставување урбана опрема на подрачјето на општината, соопшти локалната самоуправа.
Со Програмата за поставување урбана опрема која Советот на општината ја донесе на17-та седница се предвидува нов начин во поставувањето на тезги, столици, летни тераси особено во текот на летната сезона, за што беше изработен и посебен елаборат. Исто така предвидени се и посебни локации за времено користење исклучиво за поставување сладолед-фриждери, за книги, за уметничка дејност и продажба на сувенири.
За поставување сладолед-фрижидери предвидени се вкупно 22 локации од кои 18 се вдолж Кејот. За продажба на книги предвидени се 5 локации и тоа единствено на потегот „Летница“- „Амам“, 10 локации се за продажба на уметнички слики и уметнички дејности на пешачкиот простор помегу „Летница“ и „Амам“, а 10 локации се одредени за продажба на сувенири и тоа исклучиво на просторот кај „Плаошник“ и Самоиловата Тврдина.
– Основната цел е да се ослободат плоштадите од „панаѓурската“ слика – велат од локалната самоуправа, од каде информираат дека вториот оглас што го распиша општината за прибирање понуди за поставување рекламни паноа, трае до 17ти.овој месец.
