На 16- ти мај, петок, ќе се одржи 23- та седница на општина Охрид. На дневен ред на седницата ќе се најдат извештаите од работењето на јавните претпријатија за периодот од 1- ви јануари до 31- ви март годинава, утврдувањето на висината на надоместокот на услугите што ги врши ЈП Градски Пазар , предлог одлуката за авто-такси превоз на патници.
Советниците ќе расправаат и за предлог одлуката за отпочнување на постапка за стечај на туристичко биро Лихнидос ДООЕЛ Охрид, за усвојување на измените и дополнувањата на Развојната програма за изработка на урбанистички планови за општина Охрид во 2014 година, како и за утврдувањето на почетната цена за поставување на рекламни паноа-билборди.
OhridNews
