Потешко е повреден вработен во Јавното претпријатие “Охридски комуналец” кој помагал при спроведување на инспекциска акција на градскиот плоштад.
Како што информира првиот човек на јавното претпријатие, Сашо Алчев, при подигање на нелегално поставена урбана опрема, дошло до откачување на една од поставените тенди која паднала врз вработениот.
Повредениот пренесен е во Специјалната болница за ортопедија и трауматологија “Свети Еразмо” од каде изјавија дека пациентот од ударот доживеал тежок потрес на мозок и дека сега се наоѓа во стабилна состојба.
Од болницата потенцираат дека состојбата со пациентот ќе се следи, но дека засега тој се наоѓа вон животна опасност.
ЈП Комуналец со соопштение во врска со повредувањето на нивниот работник
OhridNews
