Ј.П.”Охридски Комуналец” се стекна со одобрение од страна на Министерството за внатрешни работи за користење на авто-сообраќајниот полигон (автодром) за обука на кандидати за возачи од категориите А,Б,Ц, Д. Согласно тоа, кандидатите ќе може на овој полигон да вежбаат и го полагаат првиот практичен дел од возачкиот испит, а не како изминатите неколку години кога за оваа цел се користеше полигонот во Струга.
Авто-сообраќајниот полигон (автодром) е со приклучок на магистралниот пат М-5 во с.Лескоец.
– Полигонот ги исполнува сите услови за изведување на вежби за полагање на возачки испит и со добивање на употребната дозвола се надминуваат бројните проблеми со кои досега се соочуваа сопствениците на охридските автошколи, велат од ЈП Комуналец.
OhridNews
