Вредноста на потрошувачката кошница за храна и пијалаци за едно четиричлено семејство во Македонија се покрива со околу 60 отсто од просечната плата во првите три месеци од оваа година, соопшти Државниот заводот за статистика.

Просечната нето-плата по работник за јануари 2010 година изнесувала 20.330 денари, при што трошоците за исхрана и пијалаци биле пониски од просечната нето-плата за 8.179 денари, односно за 40.2 отсто.

Вкупните трошоци за исхрана и пијалаци во февруари изнесувале 12 285 денари, а просечната нето-плата 20.240 денари, со што за задоволување на останатите потреби останувале 7.955 денари, односно 39.3 отсто.

Просечната нето-плата по работник за март 2010 година изнесувала 20 338 денари, вредноста на потрошувачката кошница била 12.336 денари, односно останувале 8.002 денари (39,3%).

Ohridnews