Потрошувачката кошница во септември пониска од минатиот месец

Според најновите податоци на Државниот завод за статистика трошоците за живот во септември годинава во однос на претходниот месец се намалени за 0.1 отсто. Во споредба со минатата година трошоците за живот се зголемени за 3,4 отсто.

Анализите се извршени врз основ на цените на стоките и услугите за лична потрошувачка.

Споредено по главни групи, согласно намената на потрошувачката, во септември 2011, во однос на август 2011, намалување е забележано во групите: Храна и безалкохолни пијалаци за 0,4 отсто, Образование за 0,3 отсто, Облека и обувки за 0,2 отсто, Рекреација и култура и Ресторани и хотели за 0,1 отсто.

Пораст на трошоците на животот е забележан во групите: Транспорт за 0,8 отсто и останати стоки и услуги за 0,2 отсто.

На ниво од претходниот месец останаа индексите на групите: алкохолни пијалоци, тутун, домување, вода, електрика, гас и др.горива, мебел, покуќнина и одржување на покуќнина, здравје и комуникации.