На автопатот во изградба Кичево-Охрид, во близина на село Попоец, вчера, околу 12 часот, од непознати причини 37-годишно лице од Јабланица, Босна и Херцеговина, вработено во градежна фирма, изведувајќи градежни работи-поставување метално скеле на мост во изградба, паднало од скелето во висина од околу 19 метри.
Лицето од падот се здобило со тешки телесни повреди, по што било пренесено во кичевската Општа болница од каде, поради сериозноста на повредите, било префрлено во Ургентен центар Скопје.
Повредениот е надвор од животна опасност.
OhridNews
