Селекторот на македонската ракометна репрезентација, Ивица Обвран на реванш дуелот со Шпанија во квалификациите за Европското првенство во Данска ќе има сериозни проблеми околу кроењето на составот.
На натпреварот со “фуријата“ со повреда се здоби капитенот Кирил Лазаров, кој ја напушти играта во 20-та минута и не се врати повеќе на теренот.
На средината од вториот дел поради повреда на коленото Филип Миркуловски замина со репрезентативниот доктор во соблекувалните, а капак на се беше повредата на Недановски при еден контра напад во финишот на мечот.
Кога на ова ќе се додаде и ситната повреда на столбот од одбраната Велко Маркоски селекторот Обвран е пред сериозни проблеми во пресрет на дуелот со Шпанија во Гвадалхара.
Натпреварот против Шпанија се игра в недела, а на првиот дуел во Скопје, Светскиот првак не прегази со 24-17.
Мх.П.
