Според најновите информации добиени од Противпожарната служба, пожарот кај селото Куратица е ставен под контрола. Поголемиот дел е изгаснат, но екипите сеуште се на терен.
– Најголемиот дел од пожарот е изгаснат, но нашите екипи и понатаму превземаат мерки со цел да не дојде до повторно негово проширување поради ветрот, изјавија од Противпожарната служба.
Пожарот кој ја зафати шумата помеѓу охридските села Опеница и Куратица,, кај месноста Прентов мост, изби утрово околу 10 часот.
Во неговото гаснење беа мобилизирани сите екипи со кои располага охридската Противпожарна единица, службите при подрачната единица на Дирекцијата за заштита и спасување, како и двата авиони за гаснење пожар кои попладнево беа испратени од Скопје.
Според неофицијалните информации, пожарот бил намерно предизвикан, за што посочиле очевидци кои го виделе лицето кое го предизвикало пожарот.
Првичните информации говорат дека со пожарот е зафатена површина од околу 3 километри шума. Наредните денови ќе се врши точна проценка околу предизвиканата штета.
OhridNews
