Одборот за доделување на државната награда „23 Октомври”, ги соопшти имињата на годинешните добитници на наградата која секоја година се доделува како највисоко признание за долгогодишни остварувања во областа на науката, културата, образованието, заштитата на државните интереси и промоција на државните приоритети, вредности и културно-историско наследство на Република Македонија.
Во областа на науката и образованието, наградата му се доделува на проф. Д-р Томе Неновски. Во областа на културата и уметноста, наградата им се доделува на: Паскал Гилевски, писател и Коле Манев, ликовен уметник.
Наградата на добитниците ќе им биде врачена на 23 октомври (недела) во 12 часот, во Свечената сала на Собранието на Република Македонија.
OhridNews
